Արյուն կղանքում. armeniamedicalcenter.am

Կղանքի մեջ արյան առկայությունը տագնապալի ախտանշան է, որը մի շարք վտանգավոր ախտաբանությունների առաջին նշաններից է:

Պատճառները
   

• Կերակրափողի կամ հետանցքի խողովակի երակների վարիկոզ լայնացում,
• հեմոռագիկ գաստրիտ,
• ստամոքսի, 12-մատնյա աղու խոց,
• պոլիպոզ,
• կրիպտիտ,
• հաստ աղու դիվերկուլոզ,
• ոչ սպեցիֆիկ խոցային կոլիտ,
• պրոկտիտ,
• Կրոնի հիվանդություն,
• մեզենտերիալ թրոմբոզ,
• վասկուլիտ,
• հեմոռագիկ դիաթեզ,
• լյարդի ցիռոզ,
• հեմանգիոմա,
• տարբեր պատճառականության սահմանային իլեիտ,
• վարակային ախտահարում,
• ստամոքսի և աղիների քաղցկեղ,
• մեխանիկական վնասում,
• որոշ դեղերի օգտագործում (հակամակարդիչներ և այլն):

Երեխաների մոտ կղանքում արյուն կարող է լինել մայրական կաթի նկատմամբ ալերգիայի առկայության, լակտոզի անբավարարության դեպքերում:

Լրացուցիչ ախտանշաններ

Ստամոքս-աղիքային արյունահոսությունը կարող է լինել սուր և քրոնիկ: Առաջին դեպքում արագ զարգանում է արյան մեծ կորուստ:

Բուժառուի մոտ դիտվում են.
   

• անհագ ծարավի զգացում,
• սրտխառնոց,
• բերանի չորություն,
• սուրճի նստվածք հիշեցնող փսխում,
• որովայնի սուր ցավ,
• թուլություն,
• զարկերակային ճնշման կտրուկ անկում,
• մկանային դող,
• գիտակցության կորուստ,
• միզակապություն։
  
  

Այս վիճակն անհապաղ անհետաձգելի բուժօգնություն է պահանջում:

Քրոնիկ արյունահոսությանը բնորոշ են.

• ընդհանուր թուլություն,
• եղունգների փխրունություն,
• մաշկի և լորձաթաղանթների գունատություն,
• գլխապտույտ,
• շուտ հոգնածություն,
• սրտխփոց,
• աղմուկ ականջներում,
• արյան ցածր ճնշում,
• մազաթափություն,
• ուշագնացություն,
• սրտի ցավ։
  
  

Ախտորոշումը

Ախտորոշիչ մեծ մշանակություն ունի արյունային արտադրության բնույթը:
   

• Ալ կարմիր շիթը կամ կաթիլներն՝ առանց կղանքային մասսաների, արյունային քսվածքը՝ զուգարանի թղթին, տեղի են ունենում հեմոռոիդալ արյունահոսության, հետանցքի ճաքի դեպքերում։
• Կարմիր թելիկները փաստում են սիգմայաձև աղու խնդիրների մասին։
• Մուգ-շագանակագույն արյունային զանգվածը՝ կղանքային մասսաների հետ, բնորոշ է հաստ աղու սկզբնահատվածների խնդիրներին։
• Սև, շիլայանման կղանքը հատուկ է ստամոքսի ուժեղ արտահայտված արյունահոսությանը։
  
  

Արյունահոսության պատճառը պարզելու համար իրականացվում են հետևյալ հետազոտությունները.

• արյան ընդհանուր քննություն
• էնդոսկոպիկ կոլոնոսկոպիա՝ հիստոլոգիական նմուշի վերցմամբ,
• կոնտրաստային ռենտգեն,
• կղանքի հետազոտություէ ճիճվակրության, թաքնված արյան կապակցությամբ,
• ՈՒՁՀ,
• Ռեկտորոմանոսկոպիա։
  
  

Բուժումը

Ստամոքս-աղիքային արյունահոսության թերապիան իրականացվում է երկու ուղղությամբ. վերացնել պատճառը և դադարեցնել արյունահոսությունը:

Դեղորայքային բուժումը ներառում է դեղերի տարբեր խմբեր՝ կախված ախտորոշումից.

• լուծողական,
• վենոտոնիկ,
• հակաբակտերիալ,
• ցիտոստատիկ,
• հորմոնալ,
• գլյուկոկորտիկոստերոիդներ,
• հակավիրուսային և այլն։
  
  

Արյունահոսությունը դադարեցնելու համար նշանակվում են մակարդիչներ․ արդյունավետ արդյունքի բացակայության դեպքում կիրառվում է վիրահատական միջամտություն:

Քանի որ արյունահոսությունը զուգակցվում է սակավարյունությամբ, օգտագործվում են երկաթի պատրաստուկներ: Ծանր դեպքերում իրականացվում է արյան փոխներարկում:

Վերականգնողական շրջանում նշանակվում է պահպանողական սննդակարգ:

Կանխարգելումը

Հնարավոր է ստամոքս-աղիքային խնդիրների զարգացման վտանգը նվազեցնել, եթե.
   

• սնվել փոքր բաժիններով, օրը 4-6 անգամ,
• շատացնել բջջանքի քանակը սննդում,
• խուսափել սթրեսից,
• հրաժարվել «արագ սննդից», կիսաֆաբրիկատներից, ճարպոտ, տապակած սննդից,
• խմել օրը 1,5-2 լիտր ջուր (եթե երիկամներն առողջ են),
• չմրսել,
• հրաժարվել ալկոհոլից, ծխախոտից,
• կանոնավոր մարզվել։

Հարցեր, պատասխաններ, մեկնաբանություններ